Надыходзіць час зіму праважаці ды вясну вітаці! Масленічныя абрады і дзеянні адбываліся раней і з мэтаю набліжэння зімы, і забеспячэння аховы і дабрабыту сям’і. Сёння пад час масленічных гулянняў арганізоўваюцца сучасныя забавы, але пры гэтым неабходна помніць і захоўваць традыцыі нашых продкаў.
Святочная праграма ў Беларускім дзяржаўным музеі народнай архітэктуры і побыту пачнецца з прадстаўлення традыцыйнага тэатра "Батлейка” для маленькіх наведвальнікаў, акрамя гэтага іх чакаюць зімовыя гульні і забавы на дзяцячай пляцоўцы.
Дарослыя прымуць удзел у масленічных конкурсах, гульнях і атракцыёнах. Смелыя і актыўныя змогуць дастаць смачны прыз з "Масленічнага слупа”.
Усе маюць магчымасць паўдзельнічаць ў традыцыйных масленічных эпізодах: "Вываз бабкі-павітухі”, "Абыход хат”, "Абракальны абрад” (абрад пазбаўленне ад асабістых праблем і грахоў), разам з фальклорнымі калектывамі паспяваць і патанчыць пад народную музыку, урачыста спаліць пудзіла Марэны.
Абвяшчаецца традыцыйны конкурс "Масленічная лялька-2013”. Матэрыял і памеры лялек залежаць толькі ад фантазіі творцаў! Пераможцаў чакаюць прызы! Умовы конкурса на сайце etna.by.
Для ўсіх наведвальнікаў гандлёвая марка "Простоквашино” правядзе дэгустацыю сваёй прадукцыі, забаўляльную праграму і прадставіць прызы для актыўных удзельнікаў масленічных забаў!
Пад час мерапрыемства "Масленіца” кожны зможа пазнаёміцца з экспазіцыяй музея, зрабіць незабыўныя фотаздымкі, а за дадатковую плату набыць сувеніры ад народных майстроў, падсілкавацца і пачаставацца блінамі ў Карчме.
Кошт квіткоў – 30 000 руб., для дзяцей дашкольнага ўзросту – бясплатна.
Экспазіцыя музея працуе з 10.00 да 16.20.
Каса працуе з 10.00 да 15.20.
Калі ласка,паклапаціцеся аб абутку і вопратцы згодна ўмоў надвор’я.
Музей пакідае за сабой права адмены ці замены асобных эпізодаў мерапрыемства.
