Галерэя сучаснага мастацтва "Ў" традыцыйна запрашае дзетак і бацькоў на калядны фестываль – час прыгод і сюрпрызаў, чароўных падарункаў і захапляльных майстар-класаў! У гэтым годзе гэта будзе чароўны дом, стварыць які дапамагла мастачка Антаніна Слабодчыкава.
Мастакі і дызайнеры зладзяць серыю майстар-класаў для малых наведвальнікаў фэста: самаробныя нататнікі ў каляровых вокладках, чароўныя цацкі-елачкі і фантастычныя калядныя маскі! Як ствараць казачных герояў і чарадзейныя рэчы, як зрабіць самы лепшы падарунак для сябра і самую незвычайную паштоўку для бацькоў пакажуць і распавядуць прафесійныя майстры.
Дзеці створаць ўласны каляндар на надыходзячы 2014 год і паўдзельнічаюць у цікавых гульнях.
Для бацькоў і дзетак пройдзе майстар-клас "Дзеці ў інтэрнэце: як навучыць бяспецы ў віртуальным свеце".
Спецыяльна для фестывалю ў галерэі сучаснага мастацтва "Ў”, музыкі электроннага праекту SUMA (digitalarchaica) зладзяць сэт жывога чытаньня навагодняй казкі. Казка "Як на сьвеце з'явіўся Дзед Мароз" прагучыць у кампаніі жывога саунд-дызайну, візуальнага праграміраваньня і двух дзіцячых хароў народных спеваў. Пройдзе гадзіна чароўнага пагружэння ў кранальны дзіцячы свет.
Удзельнікі праекта: чытае – Руся, sound design - Nick Cherny, visual programming - Арцём Атрашэўскі, кантрабас - Аляксей Будзько, дзіцячы хор "Весянчук", дзіцячы хор "Рада". Казка "Як на свеце з'явіўся Дзед Мароз" - аўтар Павал Сіманаў, пераклад Тацьцяна Цуканава (праект "Кнігі Дзеткам").
У кнігарні "ЛогвінаЎ" — чытанні дзіцячых кніг і літаратурныя сюрпрызы. Пісьменнік Альгерд Бахарэвіч і мастачка Васіліса Паляніна-Календа прадставяць дзеткам кнігу братоў Грым "Казкі”.
Крама дызайнерскіх рэчаў "Ў" прапануе дзіцячую прадукцыю — цацкі, упрыгожванні і іншыя прыемныя рэчы ад белаускіх дызайнераў. А для тых, хто яшчэ не вызначыўся са святочным падарункам – безліч варыянтаў святочных сувеніраў.
