На працягу красавіка і траўня «Дзіцячыя творчыя майстэрні» Галерэі "Ў" ініцыявалі серыю лекцый "Дзеці. Мастацтва. Творчасць», у рамках якіх мастацтвазнаўцы, педагогі і мастакі, якія актыўна працуюць з дзецьмі, пагутараць з бацькамі і педагогамі аб дзіцячай творчасці і пра тое, як з дзецьмі казаць пра мастацтва.
Мы ўсе калісьці малявалі, нават не задумваючыся як у нас гэта адтрымліваецца. Ці ж добра, ці ж дрэнна, ці ж падобна? Мы малявалі на зямлі палкамі, на шпалерах самапіскай і фарбай – на аркушах белай паперы. Памятаеце як гэты працэс захапляў?
"Дзеці. Мастацтва. Творчасць" - гэта серыя лекцыяў аб тым, чаму дзеткам важна маляваць. А таксама як нам, дарослым, паводзіцца, калі побач малюе дзіця. Гэта серыя лекцыяў аб творчасці як базавай патрэбе дзіцяці, аб мастацтве як дадатковай прыладзе развіцця мыслення, аб крэатыўнасці і прыязнасці, а галоўнае – аб тым, як уваходзіць у кантакт з гэтымі ўсімі дзівоснымі працэсамі.
ПЛАН СЕРЫІ ЛЕКЦЫЙ «ДЗЕЦІ. МАСТАЦТВА.ТВОРЧА
СЦЬ»:
16 красавіка (13.00)
«Размаўляйце з дзецьмі пра мастацтва».
Сафія Садоўская, "Дзіцячыя Творчыя Майстэрні"
Музей Азгура (вул. Азгура, 8), уваход па квіткам музея 30.000 б.р.
23 красавіка (17.00)
"Эстэтыка дзіцячага малюнка"
Лена Гіль - мастак-дызайнер, дзіцячы педагог
Нацыянальны Цэнтр Сучаснага Мастацтва (вул. Някрасава, 3), уваход па квіткам 15.000 б.р.
12 траўня (18.00)
"Як разглядзець талент?"
Наталля Няборская, студыя малявання "Калякі-малякі"
Нацыянальны мастацкі музей Рэспублікі Беларусь (вул. Леніна, 20), уваход па квіткам у музей 50.000 б.р. дарослы, 25.000 б.р. студэнцкі
18 траўня (19.00)
"Чаму дзеці малююць?”
Юрый Іваноў, дзіцячая студыя "Востраў"
Нацыянальны цэнтр сучаснага мастацтва (пр. Незалежнасці, 47, былы Музей сучаснага мастацтва), уваход па квіткам 15.000 б.р.
Даведкі по тэлефоне +375 33 3035960
ЛЕКЦЫЯ #1
«Размаўляйце з дзецьмі пра мастацтва»
16 красавіка ў 13.00 у музее Азгура (вул. Азгура,8) вас чакае першая лекцыя «Размаўляйце з дзецьмі пра мастацтва» ад Сафіі Садоўскай. Мастацтвазнаўца мінскай культурна-адукац
ыйнай ініцыятывы «Дзіцячыя творчыя майстэрні» Галерэі "Ў" раскажа бацькам і педагогам, якія працуюць з дзецьмі, аб выбудоўванні дыялогу і пастаноўцы пытанняў пра мастацтва для дзяцей.
Асноўныя пытанні лекцыі:
- Як гаварыць пра мастацтва з дзецьмі рознага ўзросту?
- Як арганізаваць цікавы паход у музей / галерэю?
- У што гуляць у музеі, каб дзеці ўбачылі карціны?
- І крыху пра маляванне...
Лектар:
Мастацтвазнаўца Сафія Садоўская. Скончыла Маскоўскі дзяржаўны ўніверсітэт, прайшла практыку ў Музеі выяўленчых мастацтваў імя Пушкіна, працавала ў Нацыянальным мастацкім музеі Рэспублікі Беларусь. Прайшла онлайн-курс інтэрактыўнага навучання мастацтву дзяцей і дарослых (музей MOMA, Нью-Ёрк, ЗША).
Аб праекце «Дзіцячыя творчыя майстэрні»:
Праект галерэі «Ў», створаны для дзяцей ад 7 да 12 гадоў, асноўная мэта якога – гэта раскрыццё творчага патэнцыялу і развіццё вобразнага мыслення маленькага чалавека праз навучанне розным мастацкім тэхнікам, знаёмства з гісторыяй мастацтваў, а таксама з сапраўднымі мастакамі ды куратарамі. Дзіцячыя творчыя майстэрні існуюць 4 гады, за гэты час узніклі 5 паўнавартасных курсаў для дзяцей і 8 тэматычных фестываляў.
