Каляды – народнае зімовае свята, напоўненае рознымі абрадамі, сэнс
якіх выяўляўся ў жаданні хутчэй наблізіць надыход сонечнага цяпла і
забяспечыць добры ўраджай у новым гаспадарчым годзе пры дапамозе
адпаведных слоў і розных магічных дзеянняў.
У гэты час, на працягу
двух тыдняў, моладзь ладзіла шматлікія забавы, ігрышчы, розныя гульні,
варажбу, калядавала – спявала калядныя песні, у якіх віншавалі
гаспадароў хаты, жадалі ім дабра і заможнасці, услаўлялі іх працавітасць
і шчодрасць.
Калядоўшчыкі хадзілі з "казой”, "мядзведзем”,
"цыганам” і іншымі персанажамі, у якія самі жа і пераапраналіся і рабілі
своеасаблівы зімовы карнавал з тэатральнымі прэдстаўленнямі, дзе шырока
выяўлялася народная выдумка.
Каляды – незвычайны святочны час,
калі асаблівую значнасць набывалі зносіны ў сферы адпачынку, усе
імкнуліся паказаць свае ўменні і таленты, пакрасавацца "на людзях”,
спявалі, танцавалі, імправізавалі! У Беларускім дзяржаўным музее
народнай архітэктуры і побыту будуць ладзіць традыцыйныя каляды, таму
запрашаем вас далучыцца да гэтай цікавай зімовай традыцыі.
Вас чакае:
- Паказ традыцыйнага лялечнага тэатра – Батлейкі;
- Рэканструкцыя свята "Першая, вялікая куцця”;
- Традыцыйны абыход двароў "Калядоўшчыкамі”, "Звяздарамі”;
- Зімовыя забавы і гульні;
- Частаванне гарбатай з зёлак;
- Беларускія народныя танцы.
Падчас мерапрыемства за дадатковую плату можна:
- набыць сувеніры ад народных майстроў у касе музея;
- наведаць «Беларускую карчму», якая знаходзіцца на тэррыторыі музея.
Кошт квіткоў:
- для дарослых – 8.0 руб.;
- для
школьнікаў, студэнтаў вышэйшых устаноў адукацыі (студэнцкі білет),
навучэнцаў прафесійна-тэхнічных, сярэдне-спецыяльных устаноў адукацыі –
4.0 руб.;
- для дзяцей дашкольнага ўзросту – бясплатна.
Экспазіцыя музея працуе з 10:00 да 17:00. Каса працуе з 10:00 да 16:30.
Шаноўныя наведвальнікі!
Калі ласка, паклапаціцеся пра абутак і вопратку згодна з умовамі надвор’я.
Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
