На фэсьце можна будзе пазнаёміцца з гісторыяй, культурай, побытам насельніцтва ВКЛ і яго суседзяў, увачавідкі ўбачыць сярэднявечны ваенна-палявы лягер, стаць сьведкай рэканструкцый бітваў і турніраў, пазнаёміцца з рамёствамі, паўдзельнічаць у сярэднявечных гульнях і забавах, паслухаць сярэднявечную і этнічную музыку і з галавою акунуцца ў займальны сьвет нашых продкаў.
На фэст запрошаны клюбы гістарычнае рэканструкцыі з Рэспублікі Беларусь, Расейскае Фэдэрацыі, Украіны, Польшчы і інш., майстры-рамесьнікі, выканаўцы сярэднявечнае музыкі.
Сваім пачынаньнем арганiзатары імкнуцца схіліць моладзь да спорту і здароваму ладу жыцьця, выхаваць патрыятызм і гонар да сваё Радзімы, спрыяць стварэньню спартовых каманд па сучаснаму мечавому бою, здольных адстойваць гонар краіны на міжнароднай арэне. Таксама імкнуцца прымножыць традыцыі народных рамёстваў, данесьці любоў да іх да насельніцтва, захоўваць і ўзбагачаць культуру і гістарычную спадчыну Беларусі.
Кожны фэст «Гонару Продкаў» прысьвечаны канкрэтнае падзеі зь гісторыі ВКЛ. Фэст «Гонару Продкаў-2017» прысьвечаны падзеям грамадзянскае вайны вялікага княства 1432-1438 гг.
Праграма фэсту "Гонару Продкаў 2017”:
1 ліпеня
11.00-11.30 - Адкрыцьцё фэсту;
11.30-12.30 - Штурм замка;
12.30-13.00 – Музычна-тэатральны выступ;
13.00-14.00 - Пешы рыцарскі турнір;
13.30-14.00 – Музычна-тэатральны выступ;
14.00-14.30 – Майстар-кляс па стральбе з лукаў;
14.30-15.00 - Музычна-тэатральны выступ;
15.00-16.00 – Лясны бугурт (захоп сцяга, караля);
16.00-16.30 - Музычна-тэатральны выступ;
16.30-17.00 – Музычна-тэатральны выступ;
17.00-18.00 - Турнір 5х5;
18.00-19.00 – Бугурты;
19.00-21.00 - Турнір лучнікаў;
19.00-01.00 – Канцэрт.
2 ліпеня
09.00-11.00 - Турнір лучнікаў;
10.30-11.00 - Турнір збраяносцаў;
11.00-12.00 - Штурм замка;
12.00-12.30 - Музычна-тэатральны выступ;
12.30-13.30 - Бугурты;
14.00 - Закрыцьцё фэстывалю.
Музычныя выканаўцы на фэсьце:
- Hardwood (Менск);
- Fabiant (Гомель);
- Адарвірог (Менск);
- Cad Goddeu (Менск);
- By Cry (Менск);
- Кашлаты Вох (Менск);
- Рутвіца (Менск);
- Мярэжа (Менск);
Суполка фэсту ў сацыяльнай сетцы
Vk.
