Нацыянальны цэнтр сучасных мастацтв запращае на казачнае прадстаўленне з лялькамі і гульнямі ў дзвюх частках «Казачкі з куфэрачка».
А ці жывуць у чароўным куфэрачку казкі? А як жа! Ды й не адна-дзве, а многа-многа, цьма цьмой, аж зашмат! А ўсяго трэба толькі той куфэрачак адчыніць пры дапамозе смяшлівага дзядзькі Бая і чароўнай цётачкі Забаўніцы і ўсё – тут жа павыскокваюць і паляцяць з яго такія казкі, такія… што толькі паспявай іх лавіць і запіхваць у свае кішэні.
Тыя спрытныя малюпасенькія казачкі змогуць вам расказаць ды паказаць вядомыя на ўвесь свет казачнікі дзядзька Бай і цётачка Чараўніца-Забаўніца. Такую казку, дзе хітрая ліса Анфіса будзе пакарана за свой несправядлівы ўчынак, прычым гэта дапамогуць самі дзеці-гледачы, якія яшчэ да гэтага навучаць Вядзьмедзьку Мішку лічыць аж да шасці, а то й да дзесяці, ці нават да дванаццаці, назбіраць разам з Мішкай малінкі ў лесе, палятаць з осамі, каб Лісяня Хітрыка з Зайкай Лялечкай памірыць, карацей кажучы, прыходзьце хутчэй, дзетачкі, да дзядзька Бая і цётачкі Забаўніцы адчыніць той незвычайны куфэрачак, каб неверагодна-цудоўную казку пабачыць!
Пастаноўка і музычнае афармленне – Галіны Карбаўнічай
Сцэнаграфія і касцюмы – Алесі Снапок-Сарокінай
Лялькі – Таццяны Лісавенка і Веніяміна Маршака
Ролі выконваюць – Лявон Сідарэвіч і Вікторыя Кавальчык
Кошт квітка: 8 - р.дзіцячы, 4 - р. дарослы.
Набыць квіткі можна у касе НЦСМ (Някрасава, 3) альбо на сайце bycard.by
