Музейное занятие «Бібліятэка – дом, дзе жывуць кнігі»

Запрашаюцца дзеткі 8–12 гадоў і іх бацькі на заняткі «Бібліятэка – дом, дзе жывуць кнігі».

 

 

Бібліятэка – гэта найперш дом, дзе жывуць кнігі. На занятках удзельнікі пазнаёмяцца з будынкам самай вялікай бібліятэкі краіны і даведаюцца, як арганізавана ў ім кніжнае жыццё. Дзецям будзе прапанавана паглядзець на бібліятэку не толькі як карыстальнікам. Падчас заняткаў яны стануць бібліятэкарамі і будуць ажыццяўляць пошук дакументаў у электронным каталогу, спрабаваць адшукаць кнігу ў падсобным фондзе і абслужыць карыстальніка. Удзельнікі пабываюць у незвычайнай чытальнай зале – зале рукапісаў, старадрукаў і рэдкіх кніг, дзе чытаюць толькі навукоўцы. Заняткі завершацца творчым заданнем – кожны ўдзельнік зробіць сваё каляровае афармленне галоўнай бібліятэкі краіны.

Заняткі праводзяцца ў даступнай і займальнай форме. Пазнанне кніжнай культуры адбываецца з дапамогай дыялогу, гульняў і творчасці.