Весёлая гісторыя пра святкаванне імянінаў Мухі, пра падступнага Павука і адважнага Камарыка знаёмая кожнаму дзіцяці і даросламу. Але што, калі пра тваё свята забыліся? Крыўдна, праўда? А як знайсці сяброў, калі ты з выгляду маленькая шэрая Мушка, а ў душы красуня з крыламі Матылька? І чаму з першай непрыемнасцю кузуркі так спалохаліся, што па кутах, па шчылінах паразбегліся? Чаму толькі маленькі Камарык кінуўся ратаваць Муху ад страшнага Павука?
Пасля спектакля гледачы паспрабуюць разам падумаць над тым, што такое сапраўдная дружба, як важна не здраджваць сябрам, быць смелымі і гатовымі прыйсці на дапамогу.
У спектаклі шмат музыкі, танцаў і любімых вершаў Карнея Іванавіча Чукоўскага.
