Старажытнае летняе свята, якое святкавался ў гонар сонца, найвышэйшага росквіту прыроды і зеляніны, ушанавання вады і агню мае назву Купалле. Менавіта ў купальскую ноч цвіце папараць-кветка, знайшоўшы якую, можна авалодаць усімі ведамі зямлі, вядзьмаркі і чараўнікі ператвараюцца ў жаб і змей, каб нарабіць шкоды людзям, наибольшай актыўнасці дасягаюць міфычныя істоты, дзяўчаты варожаць на будучае замужжа, на суджаных. Ніхто не спіць у такую таямнічую ноч: ў гэты дзень збіраюць лекавыя зёлкі, дзяўчаты плятуць вянкі, спяваюць купальскія песні, вакол купальскага вогнішча водзяць карагоды, ладзяць гульні, на ім спальваюць старыя рэчы, праз яго скокаюць, каб быць моцным, здаровым і шчастлівым! Уся вясковая грамада збірался ля купальскага вогнішча, прапусціць і не прыйсці на свята лічылася вялікай небясьпекай, таму што чараўнікі і вядзьмаркі баяліся святочнага купальскага вогнішча.
Беларускі дзяржаўны музей народнй архітэктуры і побыту будзе ладзіць прыгожае і чароўнае летняе свята па беларускіх традыцыях. Прыязджайце да нас і далучайцеся да святочных традыцыйных гулянняў.
У праграме мерапрыемства:
-Завіванне купальскіх вянкоў;
-Купальскае шэсце;
-Урачыстае распальванне купальскага вогнішча, карагоды;
-Чароўныя казкі і паданні;
-Варажба на вянках і зеляніне;
-Мастер-классы;
-Міфалагічныя персанажы;
-Купальскія абрады;
-Традыцыйныя купальскія спевы, гульні і танцы пад беларускія народныя інструменты.
За дадатковую плату можна:
-набыць сувеніры ад народных майстроў;
-наведаць «Беларускую карчму», якая знаходзіцца на тэрыторыі музея;
-палёты на мотадельтапланах і інш. (пры добрым надвор'і).
Запрашаем Вас прыняць удзел у абрадавым мерапрыемстве «Купалле» на тэрыторыі музея!
Кошт квіткоў:
-для дарослых – 7. 00 руб.;
-для дзяцей школьнага ўзросту – 4. 00 руб.;
-для дзяцей дашкольнага ўзросту – бясплатна.
Экспазіцыя музея працуе з 11:00 да 19:00. Каса працуе з 11:00 да 18:30.
