Традыцыйнае свята "Восень у Завоссі” з яго адметнай атмасферай,
шчырасцю і ўтульнасцю даўно палюбілася не толькі прыхільнікам
паэтычнага таленту Адама Міцкевіча, але і ўсім беларусам, хто цікавіцца
гісторыяй роднага краю, шануе сваю культуру.
Сёлета рыхтуецца надзвычай насычаная і цікавая праграма! Гасцей фэсту
чакаюць:
- Канцэртная праграма ў выкананні музыказнаўцы Святлены Немагай,
салісткі Белдзяржфілармоніі, лаўрэата міжнародных конкурсаў Галіны
Сакольнік і лаўрэата міжнароднага конкурса Таісіі Халамавай.
- Музычная рэтраспектыва да эпохі барока ў выкананні капэлы Алеся
Лася.
- Лекцыя пра Адама Міцкевіча даследчыка-архівіста Змітра Юркевіча.
- Студэнцкі фальклор эпохі Адама Міцкевіча ў выкананні паэта,
перакладчыка Аляксея Жбанава.
- Гістарычная анімацыя на XVI-XVII стст. і сярэднявечныя забавы ад
рэканструктараў.
- Сустрэча з вядучым навуковым супрацоўнікам Інстытута філасофіі НАН
Беларусі Ігарам Бабковым на тэму: "Міцкевіч як апокрыф: нечаканае
падарожжа”.
- Жніўныя і вясельныя песні ў выкананні спявачак Студэнцкага
этнаграфічнага таварыства.
Спецыяльныя музычныя госці – народны фальклорны ансамбль
"Сарматы” (БДУ) і спявак Ілья Шынкарэнка.
Таксама ў праграме: экскурсіі па сядзібе, канцэртная праграма, выступленні
літаратараў, інтэрактыўныя пляцоўкі, выставы, квэсты, гульні, майстар-
класы, фотазоны. Будуць працаваць кропкі харчавання і рамесніцкі кірмаш.
Уваход вольны! (для тых, хто дабіраецца ўласным транспартам).
Кошт трансферу Мінск-Завоссе-Мінск – 35 BYN. Папярэдняе браніраванне месцаў: +375(17) 363-94-65,
+375(17) 363-56-21.
