У цэнтры гэтай фантастычнай гісторыі маленькая дзяўчынка Сялеста, якая хоча даследаваць Сусвет. Пакуль яна змагаецца са сном у сваім пакоі і чытае кнігу па астраноміі, яе нечакана наведвае сам Месяц. Разам яны падарожнічаюць па Сусвеце і даведваюцца, што такое экзапланеты і як іх можна знайсці. Яны назіраюць планеты-ізгоі, акіянічныя светы і суперземлі. Месяц распавядае пра паляўнічых на экзапланеты, якія назіраюць за небам у пошуках такіх планет, як Зямля.
"Далёка ад Сонца" - адзін з лепшых анімацыйных фільмаў конкурснай праграмы I Мінскага міжнароднага фестывалю паўнакупальных фільмаў, які заняў другое месца ў рэйтынгу галасавання гледачоў.
Яскравы і пазнавальны мультфільм будзе цікавы дзецям ад шасці гадоў і іх бацькам. Фiльм паказваецца толькі на беларускай мове. Дубляж зроблены мінскім Планетарыем з удзелам вядомых беларускіх акцёраў - Іны Ганчар і Ігара Сідорчыка.
Толькі ў Планетарыі вы зможаце ўбачыць незвычайнае сферычнае кіно. Пасля яго завяршэння вас чакае экскурсія па чароўным зорным небе.
Жанр: Сферычны фільм, Анімацыйны фільм
Краіна: Iспанiя
Працягласць: 26 хв. + 15 хв. зорнае неба
Увага! Толькі ў Планетарыі вы зможаце ўбачыць незвычайнае сферычнае кіно. Пасля яго завяршэння вас чакае экскурсія па чароўным зорным небе.
