"Таямніца чароўнага календара" – гэта гісторыя, у якой ёсць месца прыгодам і, самае важнае, цудам. Менавіта ў такое падарожжа РТБД прапануе адправіцца самым маленькім тэатралам і іх бацькам.
Героі спектакля – мілыя, кранальныя лялькі, якія, на вялікі жаль і няшчасце, засталіся кінутымі ў адзіноце. Калі дзеці вырастаюць, цацкі становяцца нікому не патрэбныя. Але ж гэтыя лялькі па-ранейшаму любяць сваіх гаспадароў. А зараз вымушаны жыць у жудасным месцы, дзе на кожным кроку іх чакае небяспека – на іх аб'яўлена паляванне.
Таямніца, якую захоўвае Чароўны Каляндар, дае шанец на выратаванне. Але ці ўсе гатовыя да Цуду? А што калі аб'яднаць намаганні і разам гэты Цуд стварыць?
У спектаклі незвычайная колькасць музыкі, харэаграфіі і жывога вакалу. Стваральнікі спектакля гавораць пра вельмі важныя і патрэбныя рэчы на простай і зразумелай кожнаму дзіцяці мове.
Жанр: Музычная казка ў 2 дзеях без антракту
Аўтар: М.Варфаламееў (па п’есе "Парсючок Кнок”)
Мастак-сцэнограф і мастак па касцюмах: Юрый Саламонаў
Харэограф: Максім Дубоўскі
Тэксты песень: Максім Дубоўскі
Відэакантэнт: Кацярына Чэкатоўская
Мастак па святле: Іван Гусеў
Пераклад: Святлана Навуменка
