24 і 25 кастрычніка ў гандлёвым цэнтры "Бонус” (м-н Каменная Горка, вул. Уладыслава Галубка, 2) адбудзецца дабрачынны марафон. Грамадская арганізацыя "Дом на скале” у чарговы раз збірае падарункі для дзяцей-сірот з асаблівасцямі развіцця і для дзяцей з цяжкімі захворваннямі.
Адначасова 25 кастрычніка арганизатары мерапрыемства, трошкі са спазненнем, але адзначаць, разам з наведнікамі гандлёвага цэнтра "Бонус”, Дзень Маці. У гэты дзень будзе створана святочная атмасфера для дзяцей і іх бацькоў. У Дзень Маці бацькам будзе чым сваіх дзяцей заняці:
- на конкурсе малюнка дзеткі пакажуць, якая прыгожая ў іх мама. Дапаможа ім у гэтым часопіс "Вясёлка”
- на майстар-класах ад хэнд-мэйд майстроў навучацца рабіць цікавыя рэчы
- убачаць лялечны спектакль з дапамогай чароўнай Батлейкі
- паўдзельнічаюць у дзіцячых навуковых шоў ад "Открывашака” і "Прафесара Вуаля”
- праявяць сябе ў танцах і віктарынах
- паслухаюць спевы выхаванцаў старэйшых груп дзіцячага інтэрната г. Чэрвень
- пачуюць добрыя словы ад рэп-групы "Честное слово”
Усё гэта рыхтуе для вас "Дом на скале”. Маючы добрае сэрца, дабрадзеі дапамагаюць людзям у патрэбе, ахвяраваўшы сваім вольным часам, фінансамі, праявіўшы свае таленты і цеплыню сваёй душы. Людзей у патрэбе шмат і мы не паспяваем ахапіць сваёй увагай іх усіх. Таму "Дом на скале” звяртаецца да Вас з заклікам далучыцца да гэтай добрай каманды, каб разам зрабіць сусвет куды больш добрым і прыгожым. На сённяшні момант у групе ёсць патрэбы ў наступных накірунках:
- раздача флаераў з інфармацыяй аб дабрачыннай акцыі на ўваходах у гандлёвы цэнтр
- транспартная падтрымка (перавозка людзей і мэблі)
- фота і відэафіксацыя акцыі, з пазнейшым асвятленнем яе ў медыяпрасторы, перапосты і г.д.
- друк інфармацыйных матэрыялаў
- стварэнне і падтрымка сайта з інфармацыяй аб дзейнасці "Дома на скале"
- фінансавая падрымка арганізацыйных момантаў пад час падрыхтоўкі дабрачынных акцый
- фінансавая падтрымка дзіцячых інтэрнатаў і шпіталяў (ад драбніц да сур’ёзных праектаў)
- падзяліцеся сваімі творчымі талентамі пад час дабрачынных культурніцкіх акцый у дзіцячых інтэрнатах, шпіталях і за іх межамі
- прыдумайце самі нешта такое, што палепшыць настрой і якасць жыцця дзяцей са складаным лёсам
"Дом на скале” чакае вас i запрашае у сваю сардэчную сям'ю.
