З 12 лютага ў філіяле Нацыянальнага гістарычнага музея Рэспублікі Беларусь «Музей прыроды і экалогіі» пачне працу выстава «Чароўныя матылькі».
Сотні цудоўных матылькоў з усіх кантынентаў парадуюць погляд прыхільнікаў прыгожага.
У свеце існуе каля 158 тысяч відаў матылькоў самага рознага памеру, афарбоўкі і формы. На выставе прадстаўлены дзённыя і начныя матылькі, атрутныя і цалкам бяскрыўдныя, шкоднікі і вельмі карысныя для чалавека. Тут можна будзе ўбачыць насельнікаў тропікаў і тых, хто жыве ў паўночных лясах, у гарах і на балотах, у Запаляр’і і пустынях Афрыкі.
Прыгажосць і вытанчанасць матылькоў зрабілі іх аднымі з нешматлікіх насякомых, якія не выклікаюць інстыктыўнай непрыхільнасці ў чалавека. Міфы і легенды пра матылькоў ёсць амаль ва ўсіх народаў свету. Уяўленні пра іх звязаны з самымі галоўнымі для чалавека паняццямі - жыццё і смерць, каханне і шчасце.
Але не толькі матылькі вартыя захаплення і ўвагі. Жукі, дзіўна разнастайныя па сваіх памерах, вонкавым абліччы і колеру, таксама змогуць здзівіць вас.
На выставе будуць прадстаўлены і такія незвычайныя насякомыя як павукі-птушкаяды
, гіганцкі скарпіён, палачнікі, саранча, конікі і іншыя.
Экспанаты, прадстаўленыя на выставе, з прыватнай калекцыі Махмудава Рамазана (г. Віцебск).
Выстава накіравана на распаўсюджванне біялагічных і эстэтычных ведаў і будзе цікавая і дзецям, і дарослым.
Кошт уваходных білетаў:
Дарослы – 25 000, дзіцячы – 15 000
Кошт уваходных білетаў для арганізаваных груп (ат 15 чел.) – 12 000
Час працы: з 10.00 да 18.00
Без выходных.
Тэлефоны для даведак: (017) 2374694; 3270633
