21 сакавіка «Гуканне вясны» у Дудутках.
Вясну ўсюды і заўсёды чакалі. Яна адыгрывала важную ролю ў земляробчым календары нашых продкаў. Чакалі цяпло і сонца. З прыходам гэтай пары года беларусы звязвалі розныя магічныя дзеянні і рытуалы.
"Гуканне вясны”- адно з самых лірычных, прыгожых і магічных святаў у Беларусі. Нашы продкі пачаткам года лічылі вясну – пару сапраўднага абуджэння прыроды і надзей чалавека на лепшае жыццё. З першымі павевамі цяпла чалавек пачынаў кароценькімі песнямі-вяснянкамі клікаць вясну, прылёт птушак. Жанчыны выпякалі з цеста птушак. Вечарамі раскладалі вогнішчы, спявалі ля іх гукальныя вяснянкі і вадзілі карагоды.
Гасцей чакаюць:
-
Гукальныя спевы
-
Вясновыя карагоды
-
майстар-класы па вырабу выцінак, "жаваронкаў” з салёнага цеста,
-
выступленні музычных і фальклорных калектываў.
Таксама для нашых гасцей будзе працаваць бясплатны трансфер Рудзенск-Дудуткі.
