15 верасня ў Нацыянальнай бібліятэцы Беларусі (пам. 104) адкрылася міжнародная выстава «Францыск Скарына і яго эпоха», прысвечаная 500-годдзю беларускага кнігадрукавання.
Место: Национальная библиотека, пр. Независимости, 116
Возраст: от 5 лет
Стоимость: от 1.50 рублей
Время проведения: 15 сентября - 31 декабря
Экспазіцыю смела можна назваць фантастычнай. Як машына часу, яна пераносіць нас на 500 гадоў назад, у тыя далёкія часы, калі кнігадрукаванне толькі зараджалася – з’яўляліся першыя друкарскія станкі, а звыклыя руцэ перапісчыка пяро і чарніліца сыходзілі на другі план. У справе кнігадрукавання ў многіх краін свае героі: Іван Фёдараў – у Расіі, Прымож Трубар – у Славеніі, Уільям Кекстан – у Англіі... А ў Беларусі, вядома ж, – Францыск Скарына.
На юбілей "сабраліся” арыгіналы і факсіміле першадрукаў ХV–XVII стст., прывезеныя з Германіі, Латвіі, Польшчы, Расіі, Славакіі і Славеніі. Экспанаты ўражваюць: з Германіі, напрыклад, прыехала 42-радковая Біблія Іагана Гутэнберга 1450-х гг. Цэнтральнае месца адведзена арыгінальным выданням Францыска Скарыны з фондаў Нацыянальнай бібліятэкі Беларусі, якія ўбачылі свет ў Празе і Вільні ў 1517–1525 гг.
На выставе можна будзе даведацца пра першадрукара ўсё і нават больш! На кінапляцоўцы ў рэжыме нон-стоп будуць трансліраваць фільмы пра Скарыну, і, вядома, будзе прадстаўлена вельмі шмат кніг на любы ўзрост і густ.
Пры дапамозе шлема віртуальнай рэальнасці можна будзе перанесціся ў майстэрню друкара XVI ст. Паглядзець і выпрабаваць у справе адноўлены друкарскі станок Францыска Скарыны можна будзе і ў рэчаіснасці, параўнаўшы яго з сучасным друкарскім станком і 3D-прынтарам.
Абавязкова прыходзьце з дзецьмі! На дзіцячай пляцоўцы хлопчыкі і дзяўчынкі змогуць паўдзельнічаць у майстар-класах і гульнях, папоўніць багаж ведаў на нясумных тэматычных уроках, а таксама з дапамогай інтэрактыўнага стала здзейсніць падарожжа па гарадах і краінах, дзе наш знакаміты зямляк пакінуў свой след. Тут жа дзеці знойдуць незвычайныя пазлы, размалёўкі і прымуць удзел у пазнавальных віктарынах.
Выстава працуе:
аўторак - пятніца 10.00 - 20.00
субота - нядзеля 10.00 - 18.00
Выхадныя дні: кожны панядзелак,
7 лістапада, 25 снежня 2017 г.
Кошт наведвання выставы - 5.00 бел. руб.
Дзеці ад 3-х да 12-ці гадоў - 3.50 бел. руб.
Людзі з абмежаванымі магчымасцямі і дзеці са шматдзетных сем'яў - 1.50 бел. руб.
Дзеці да 3-х гадоў, выхаванцы дзіцячых дамоў і суправаджаючыя групу
навучэнцаў (1 чалавек на 10 дзяцей) - бясплатна.
Тэлефон для даведак: +375 17 266-37-37, 293-27-22. Запiс на экскурсiю па выставе: +375 17 293-29-66, 293-28-53.
