З 24 сакавіка да 18 красавіка Дзяржаўны літаратурна-мемарыяльны музей Якуба Коласа запрашае на музейны праект для школьнікаў "Вясёлы Пушкін". Заняткі ў музеі будуць праходзіць з выкарыстаннем нестандартных формаў музейнай камунікацыі, што зробіць наведанне музея не толькі пазнавальным, але і прынясе толькі станоўчыя эмоцыі.
Праект уключае ў сябе тэматычныя заняткі, якія могуць быць выкарыстаны педагогамі, як пазакласнае мерапрыемства, ці як дадатак да школьнай праграмы па рускай літаратуры. Навучэнцы малодшых і сярэдніх класаў, якім праект адрасаваны ў першую чаргу, будуць мець магчымасць не толькі пазнаёміцца з мастацкімі работамі знакамітага мастака, але і адкрыць для сябя А. С. Пушкіна з іншага боку, паглядзець лялячнае прадстаўленне па матывах казкі А. С. Пушкіна пра залатую рыбку, а таксама паўдзельнічаць у майстар-класе па сілуэтным выразанні з паперы і стварыць аўтарскую паштоўку з сілуэтамі Пушкінскай эпохі.
Праект праходзiць у межах выставы «Вясёлы Пушкін». Гэта вынік шматгадовага супрацоўніцтва найстарэйшага музея-запаведнік
а Расіі – Пушкінскага запаведніка – і мастака Ігара Дзмітрыевіча Шаймарданова. У 1999-м годзе, працуючы над спектаклям да 200-гадовага юбілею А. С. Пушкіна, мастак вырашыў паказаць паэта такім, якім ён быў у паўсядзённым жыцці, вызваліць яго вобраз ад клішэ і стэрэатыпаў, зрабіўшы жывым і вясёлым. Паводле задумы аўтара, выстаўка ўяўляе сабой маленькую выдуманую навэлу з жыцця Пушкіна. Гэта прыдуманыя, ці амаль праўдзівыя гісторыі з дзвюх зім і двух гадоў, праведзеных А. С. Пушкіным у Міхайлаўскай ссылцы, калі ён наведваў Трыгорскае, Бугроўскі млын і Святагорскі кірмаш.
Удзел у праекце па папярэднім запісе!
Прымаюцца папярэднія заяўкі ад школ і індывідуальных наведвальнікаў з дзецьмі.
Кошт заняткаў:
Наведванне выстаўкі - 10 000 (для дзяцей), 20 000 (для дарослых)
Лялечнае прадстаўленне "Казка пра залатую рыбку"- 7 000
Майстар-клас па сілуэтным выразанні – 10 000
Адрас музея: г. Мінск, вул. Акадэмічная, 5
