Па-беларуску амаль няма дзіцячых кніг, якія закранаюць тэму перажыванняў старэйшых дзяцей
у чаканні нараджэння малодшых. «Заўрык і яго малодшы брат» — дэбютная дзіцячая кніга
сучаснага ўкраінскага пісьменніка Міраслава Лаюка — ідэальна падыходзіць, каб
падрыхтаваць дзіцё да з'яўлення браціка ці сястрычкі. Яе выхад запланаваны на жнівень гэтага
году, і цяпер вы можаце падтрымаць выданне ды заказаць асобнік па самым нізкім кошце на
старонцы краўдфандынга. А яшчэ вы атрымаеце
яйка, з якога можна вырасціць сапраўднага дыназаўрыка!
«Заўрык» — пра тое, як сям'я стэгазаўраў чакае малыша і як мяняецца іх жыццё. Як галоўны
герой — старэйшы Заўрык — пасля нязгоды і крыўды ўсё ж прымае свайго малодшага браціка
Стэга. Гэту кнігу добра чытаць у любой сям'і, дзе ёсць, альбо плануецца некалькі дзяцей: яна
дае падставу абмеркаваць праблемы і непаразуменні паміж братамі ды сёстрамі. А пасля
звярнуць іх увагу на каштоўнасць адно аднога, дапамагчы дзецям прымаць і любіць сваіх
сямейнікаў.
Просты тэкст зразумеюць нават самыя малодшыя, а яскравыя сучасныя малюнкі спадабаюцца
старэйшым. Кніга будзе выдадзена ў цвёрдай вокладцы і з тоўстай паперай, адмыслова для
дзяцей!
«Заўрык» стане пятай кнігай у серыі «Добрая кніга», у якой раней выйшлі першая і другая частка
«Хронік Нарніі», «Маленькі Прынц», «Роня, дачка разбойніка». Пераклад з украінскай Надзеі
Кім.
