Кожны год месяц кастрычнік радуе нас двума важнымі для ўсіх дзяцей і бацькоў святамі – Днём маці і Днём бацькі! У сувязі са значнымі датамі далучаемся да акцыі «Усёй сям'ёй у музей!» у межах рэспубліканскага Тыдня бацькоўскай любові. З 15 па 20 кастрычніка запрашаем дзяцей разам з бацькамі наведаць тэматычныя мерапрыемствы і актыўнасці.
У перыяд акцыі для шматдзетных сем'яў уваход у музей бясплатны пры прад'яўленні адпаведных дакументаў!
Што вас чакае?
15 кастрычніка 14:00 Праграма «Вобраз Божай Маці ў беларускім іканапісе» (галоўны корпус; запіс адкрыецца 13.10 у 16:00)
16 кастрычніка 18:00 Лекцыя псіхолага, лектара Цэнтра падтрымкі сям'і і мацярынства «Матуля» Таццяны Станкевіч для бацькоў «Традыцыя мацярынства ў Беларусі» (галоўны корпус, зала беларускага мастацтва XIX - пачатку XX ст.; па ўваходным білеце)
17 кастрычніка 15:00 Праграма «Усё самае цікавае пра шкло» (галоўны корпус; запіс адкрыецца 15.10 у 16:00)
18 кастрычніка 14:00 Лекцыя псіхолага развіцця, кансультанта па дзіцяча-бацькоўскіх адносінах Таццяны Міхей «Добрыя адносіны з дзіцём: як іх захаваць нават у самых складаных сітуацыях» (галоўны корпус; па ўваходным білеце)
19 кастрычніка 14:00 Арт-майстар-клас у сеансе гукатэрапіі «Запальваць зоркі ў музыцы святла, тварыць мары» з Анастасіяй Кудрук (галоўны корпус; сяродкрыжжа; па ўваходным білеце)
19 кастрычніка 15:00 Зборная інтэрактыўная праграма для дзяцей «Маленькі эксперт» (галоўны корпус; запіс адкрыецца 16.10 у 18:00)
Национальный художественный музей Республики Беларусь, ул. Ленина, 20
