У Музеі
гісторыі тэатральнай і музычнай культуры з 2011 года праводзіцца конкурс
"Калядныя замалёўкі" на лепшы дзіцячы малюнак ці выраб
дэкаратыўна-прыкладнога мастацтва на калядную тэматыку. Ён заснаваны з мэтай
развіцця і падтрымкі творчых здольнасцей дзяцей, спрыяе фармаванню цікавасці да
традыцый, гісторыі і культуры Беларусі.
У конкурсе
прымаюць удзел дзеці розных узроставых і сацыяльных груп, у тым ліку і
дзеці-інваліды. З работ, прадстаўленых на конкурс, у музеі арганізуецца
выстаўка – прастора, дзе дзеці маюць унікальную магчымасць убачыць свае працы ў
адным са сталічных музеяў. Па выніках конкурсу вызначаюцца пераможцы ў розных
намінацыях. Напярэдадні Новага года праводзіцца ўрачыстае адкрыццё выстаўкі з
уручэннем грамат і прызоў. На дадзеным мерапрыемстве прысутнічаюць СМІ
(тэлебачанне, радыё, друкаваныя СМІ).
Традыцыйна
конкурс і выстаўка збіраюць вялікую творчую гледачовую аўдыторыю. З часу свайго
заснавання дадзены праект набыў агульнарэспубліканскі маштаб і стаў сапраўды
знакавай і чаканай падзеяй для творчых людзей.
Да ўдзелу ў конкурсе
прымаюцца малюнкі і вырабы дэкаратыўна-прыкладнога мастацтва на
калядную тэматыку. Малюнкі патрэбна аформіць ў рамы, а таксама ўсе
работы павінны мець анатацыю (Імя, Прозвішча
і ўзрост аўтара (ад 5 да 17 гадоў), назва работы, назва ўстановы адукацыі).
Работы прымаюцца да 10 снежня 2014г.
Мастацкія работы будуць
адзначаны прызамі ў намінацыях:
– лепшы твор
дэкаратыўна-прыкладнога мастацтва (3 месцы);
– лепшы твор выяўленчага
мастацтва (3 месцы);
– лепшы калектыўны твор (3 месцы).
Усе конкурсныя работы
будуць экспанавацца ў Музеі гісторыі тэатральнай і музычнай культуры з 24
снежня 2014 г. да 10 студзеня 2015 г.
