Рады паведаміць, што пад час трэцяга агульнабеларускага фестываля татуіроўкі TATTOOFEST 2015, які будзе ладзіцца 30-31 мая ў мінскім Палацы Мастацтва (вул. Казлова, 3), Арт-студыя TALENT праводзіць Конкурс дзiцячага бодзi-арта!
Мара кожнага дзіцяці – зьдзейсьніць свавольныя фантазіі, размаляваць сваіх аднагодкаў ды яшчэ й атрымаць за гэта ўзнагароду. Нарэшце ў вас будзе такі шанс.
Мэта конкурса - павялічэньне цікавасьці маладога пакаленьня да мастацтва роспісу цела і ўвогуле тату-культуры, а таксама пазіцыянаваньне бодзі-арт як значнай часткі беларускай мастацкай культуры ў кантэксьце сучасных рэалій.
Тэма конкурса – беларуская гісторыя ад старажытных часоў да нашых дзён. Увасабляць свае задумкі можна ня толькі на твары, але й на руках, нагах, сьпіне – там, дзе адлюстраваньне ідэі вам падаецца найбольш яскравым.
Да ўдзелу запрашаюцца дзеці-мастакі 7-12 гадоў. Вітаюцца ўдзельнікі са сваімі мадэлямі (таксама 7-12 гадоў), пры адсутнасьці мадэлі неабходна акрэсьліць гэта ў заяўцы, у такім выпадку яе самастойна падбярэ Арт-студыя. Пад час маляваньня дзецям можа дапамагаць 1 дарослы (хтось з бацькоў).
Дзецям-мадэлям і мастакам уваход бясплатны, 1 прадстаўнік дзіцяці атрымоўвае права набыць квіток з велізарнай зьніжкай – усяго за 50 000 бел. руб.!
Усе удзельнікі – мастакі і мадэлі – атрымаюць дыпломы і прыемныя падарункі.
Пераможцы конкурса дзіцячага бодзі-арт атрымаюць:
за 1 месца –500 000 бел. руб.
за 2 месца –300 000 бел. руб.
за 3 месца – 200 000 бел. руб.
Асобны прыз чакае таксама найлепшую мадэль фестываля!
Для рэгістрацыі на конкурс неабходна даслаць свае дадзеныя і эскіз працы (малюнак у вольнай форме, скан ці фота) на пошту Арт-студыі TALENT astalent@mail.ru
Па далейшых пытаньнях і ўдакладненьнях можна зьвяртацца да Анастасіі па тэл. 8029 703 78 17.
Праграма конкурса:
11.30 - збор дзяцей, мастакоў і мадэляў.
12.00 - 14.00 - дзеці малююць сваю мадэль, адзінз бацькоў можа дапамагаць.
14.00 - паказ мадэляў на сцэне фестывалю, ня больш за 2 хвіліны на 1 мадэль.
Пасьля паказу, прыкладна ў 15.00, журы ацэньвае канкурсантаў і адбываецца ўрачыстае ўзнагароджаньне ўсіх удзельнікаў і пераможцаў.
Мастакі будуць маляваць адмысловымі фарбамі-маркерамі па целе. Яны абсалютна бясшкодныя і лёгка змываюцца звычайнай вільготнай сурвэткай.
Фарбы мастакі аплачваюць самастойна (каля 100 000 бел. руб. на чалавека), пасьля конкурса фарбы застаюцца ва ўдзельнікаў. Для стварэньня патрэбнага вобразу дапускаецца дадатковы рэквізіт або бутафорыя – адзеньне, упрыгожваньні і іншыя элементы.
Чакаюць усіх жадаючых у 11:30 у суботу 30 мая ў Палацы Мастацтва на BELARUSTATTOOFEST 2015!
