Дзяржаўны музей гісторыі беларускай літаратуры – гэта адзін з
буйнейшых літаратурных музеяў нашай краіны і адзіны літаратурны музей, які
займаецца дакументаваннем літаратурнага працэсу на Беларусі ў шырокім
гістарычным кантэксце: ад часоў узнікнення пісьменства да сённяшніх дзён.
Фонды Дзяржаўнага музея гісторыі беларускай літаратуры – гэта
ўнікальны збор музейных прадметаў, звязаных з гісторыяй беларускай
літаратуры. Сярод найбольш значных па колькасці і адметнасці персанальных
матэрыялаў вылучаюцца архівы пісьменнікаў Васіля Быкава, Васіля Віткі,
Уладзіміра Караткевіча, Анатоля Вярцінскага, Алеся Звонака, Кандрата
Крапівы, Янкі Маўра, Міхася Лынькова, Сяргея Новіка-Пяюна, Язэпа
Семяжона, Івана Чыгрынава, Івана Шамякіна, Рыгора Барадуліна, Генадзя
Бураўкіна, Лідзіі Арабей і інш.
У склад Дзяржаўнага музея гісторыі беларускай літаратуры ўваходзіць 9
філіялаў: Літаратурны музей Максіма Багдановіча (г.Мінск), Літаратурны музей
Петруся Броўкі (г.Мінск), Музей-дача Васіля Быкава (Мінскі р-н, а.г.
Ждановічы), "Беларуская хатка” (г.Мінск), Літаратурны музей Кузьмы Чорнага
(Мінская вобл., Капыльскі раён, в. Цімкавічы), Музей-сядзіба Міцкевічаў
"Завоссе” (Брэсцкая вобл., Баранавіцкі раён, в.Завоссе), Музей-сядзіба
Францішка Багушэвіча "Кушляны” (Гродзенская вобл., Смаргонскі раён,
в.Кушляны), "Фальварак Ракуцёўшчына” (Мінская вобл., Маладзечанскі р-н, в.
Ракуцёўшчына), Хата-музей Петруся Броўкі (Віцебская вобл., Ушацкі раён, в.
Пуцілкавічы).
Для дзяцей у музеі распрацаваны інтэрактыўныя праграмы і заняткі,
скіраваныя на вывучэнне беларускай літаратуры і культуры у гульнёвай форме.
Экспазіцыя музея працуе:аўторак, чацвер – нядзеля з 9.30 да 17.30, каса – з 9.30 да 17.00; серада з 9.3 да 19.00, каса – з 9.30 да 18.30; панядзелак – выхадны дзень.
