Тэатр прапануе адправіцца ў падарожжа па краіне казак. Павядзе туды славуты казачнік свету – Ганс Хрысціян Андэрсен. Хлопчыкі і дзяўчынкі, іх бацькі і бабулі сустрэнуць чараўніка Оле-Лукое, працавітага Камінара, ганарлівую Свінку-скарбонку, даверлівага Крата і, вядома ж, стойкага алавянага Салдаціка – герояў некалькіх казак любімага ўсімі казачніка.
У казцы і жыцці заўсёды ёсць месца цудам – трэба толькі верыць. Верыць і разумець, што адданасць Салдаціка, вернасць каханню, самаахвярнасць Балерыны так патрэбны ўсім нам ў жыцці!
