Мастацкая галерэя "Універсітэт культуры” функцыянуе на плошчах Палаца Рэспублікі, перададзеных Беларускаму дзяржаўнаму універсітэту культуры і мастацтваў рашэннем Прэзідэнта Рэспублікі Беларусь А.Р.Лукашэнкам. Мастацкая галерэя з’яўляецца структурным падраздзяленнем БДУ культуры і мастацтваў. Галоўнай задачай галерэі з’яўляецца ўсебаковая падтрымка таленавітай творчай моладзі і студэнтаў, папулярызацыя беларускага мастацтва, а таксама шырокае азнаямленне студэнцкай моладзі з культурна-асветніцкай дзейнасцю і ўзорам замежнага мастацтва.
Асноўная місія мастацкай галерэі "Універсітэт культуры” — стварэнне аптымальных умоў для развіцця творчага патэнцыялу студэнтаў і творчай моладзі і іх усебаковая падтрымка, папулярызацыя беларускага мастацтва, культурна-асветніцкая дзейнасць. Галерэя існуе з 2002 года. За гэты час у яе сценах было праведзена больш за 60 выстаў, асноўнымі ўдзельнікамі якіх былі маладыя мастакі.
Мастацкая галерэя ажыццяўляе выставы дыпломных праектаў студэнтаў універсітэта, арганізоўвае выставы твораў як выкладчыкаў БДУ культуры і мастацтваў, так і іншых вышэйшых навучальных устаноў РБ, праводзіць сумесныя творчыя фестывалі, выставы як мастакоў з рэгіёнаў Беларусі, так і работы замежных аўтараў, ажыццяўляе сумесныя праекты з іншымі ўстановамі і арганізацыямі.
Галерэя з’яўляецца базай для праходжання практыкі студэнтамі наступных універсітэцкіх кафедраў: беларуская і сусветная мастацкая культура, менеджмент сацыяльна-культурнай дзейнасці, народнае дэкаратыўна-прыкладное мастацтва, інфармацыйныя тэхналогіі ў культуры і інш.
