4 чэрвеня 2019 года а 12.00 Дзяржаўны літаратурна-мемарыяльны музей Якуба Коласа запрашае на літаратурнае свята з элементамі імерсіўнага тэатра "Скрозь люстэрка, і што ўбачыла там Аліса” па матывах казкі Льюіса Кэрала "Аліса ў краіне цудаў”, прымеркаванае да Міжнароднага дня абароны дзяцей, што адзначаецца штогод 1 чэрвеня.
Падчас свята "Скрозь люстэрка, і што ўбачыла там Аліса” наведвальнікі апынуцца ў дзівоснай Краіне цудаў, паглядзяць лялечнае прадстаўленне на коласаўскай сядзібе, атрымаюць маляванкі па матывах дзіцячых твораў беларускага Песняра і пагуляюць разам з героямі казкі Льюіса Кэрала: Алісай, Белым Трусам, Капялюшнікам, Вусенем і Чырвонай Каралевай.
Папярэдні запіс.
