23 снежня 2017 года на тэрыторыі музейна-гістарычнага комплексу Дудуткі адбудзецца свята, прысвечанае традыцыйнаму святкаванню Каляд ў Беларусі.
Каляды - адно з самых старажытных святаў нашых продкаў, цесна звязанае з сонечным цыклам. З прыходам хрысціянства прымеркавана да рэлігійнага сьвята Нараджэння Хрыстова. Лічылася, што першы дзень Каляд (23 снежня па новым стылі) супадае з момантам, калі дзень пачынае павялічвацца, ноч скарачацца і справа паволі ідзе да вясны.
Адзначаліся Каляды на працягу 12 дзён. У гэты перыяд было прынята абмяжоўваць сябе ў фізічнай працы, збірацца ўсёй сям'ёй за адным сталом, весяліцца, вадзіць карагоды, калядаваць. Традыцыйным і абрадавым пачастункам лічылася куцця - пшанічная каша з рознымі дадаткамі (мёдам, цукрам, арэхамі і інш).
Каляды ў Дудутках - выдатная нагода ўсёй сям'ёй акунуцца ў незабыўную атмасферу свята ў тым выглядзе, у якім яго адзначалі нашы продкі, дакрануцца да гісторыі, паспрабаваць традыцыйную куцьцю і проста добра правесці час на свежым паветры ў асяроддзі выдатных пейзажаў беларускай прыроды.
Асноўныя мерапрыемствы і пляцоўкі свята.
Плошча перад сыраварняй - галоўная танцавальна-музычная пляцоўка. На пляцоўцы перад гасцямі свята будзе разыграна музычна-тэатральнае прадстаўленне з удзелам музычных калектываў «Яварына», «Жывіца», «Фламея». А таксама гледачоў чакае знаёмства з традыцыйным абрадам калядавання і мноства іншых сюрпрызаў.
Этнаграфічная галерэя
У сценах галерэі адбудзецца знаёмства гасцей свята з традыцыйным беларускім тэатрам "Батлейка", а таксама ўсе наведвальнікі змогуць паслухаць традыцыйныя калядныя спевы ў харавым выкананні і прыняць удзел у майстар класе па роспісу навагодніх цацак.
Інтэрактыўныя зоны - усе жадаючыя змогуць прыняць ўдзел у вясёлых Калядных забаўках - паскакаць у мяшках і камандных штанах, перамагчы ў спаборніцтвах па Калядным кёрлінгу, пастраляць з лука.
Вуліца майстроў - вырабы традыцыйных рамесных майстэрняў: каваныя вырабы і ўпрыгажэнні, посуд і ганчарныя вырабы, вырабы з лёну, традыцыйнае адзенне, сувеніры ды iнш.
Шацёр варажэі, у якім кожны госць свята зможа атрымаць персанальнае прадказанне на будучы год.
Пачастунак традыцыйнай КУЦЬЦЁЙ і шмат іншага.
Пачатак мерапрыемстваў а 12 гадзiне 23 снежня ў музейным комплексе «Дудуткі»
Праграма свята «Каляды ў Дудутках”
23 снежня
Галоўная танцавальна-музычная пляцоўка свята - плошча перад сыраварняй
12.00 Пачатак мерапрыемства
12.05-12.35 Жывiца
12.40-13.20 Фламмея
13.45-14.15 Вясёлыя Калядоўшчыкi
14.20-14.40 Калядная Куцця
14.45-15.20 Яварына
15.20-15.30 Варажба
15.30-15.55 Жывiца
16.00-16.30 Калядная Куцця
16.30-17.00 Фламмея
17.05-17.35 Яварына
17.35-18.05 Жывiца
18.05-18.30 Яварына
18.35-19.00 Жывiца
А таксама гледачоў чакае знаёмства з традыцыйным абрадам калядавання і мноства іншых сюрпрызаў. Будзе дзейнічаць фатазона.
Этнаграфічная галерэя
Перад выступамі ў этнаграфічнай галерэі пройдзе адкрыццё каляднай выставы.
13.30-14.00 Выступ хору
14.00-14.25 Батлейка
14.30-14.55 Выступ Капэлы БНТУ
15.00-15.25 Выступ хору
15.30-15.55 Выступ Капэлы БНТУ
16.00-16.30 Батлейка.
Будзе дзейнічаць майстар-клас па роспісу цацак.
Вуліца майстроў - вырабы традыцыйных рамесных майстэрняў: каваныя вырабы і ўпрыгажэнні, посуд і ганчарныя вырабы, вырабы з лёну, традыцыйнае адзенне, сувеніры ды iнш.
З 12.00 на тэрыторыі комплексу будуць працаваць інтэрактыўный зоны для гасцей свята. Усе жадаючыя змогуць прыняць ўдзел у вясёлых Калядных забаўках - паскакаць у мяхах і камандных штанах, перамагчы ў спаборніцтвах па Калядным кёрлінгу, пастраляць з лука. Будзе магчымасць заглянуць ў шацёр варажэі, дзе кожны госць свята зможа атрымаць асабістае прадказанне на будучы год.
